Bruce Beck 是美國 NBC 電視台的體育新聞報導員，身材魁梧，形象健康，笑容友善，不過這些都跟我將要說的沒甚麼關係。
Bruce Beck 最近被派到北京採訪奧運，在那裡也有兩個星期了吧，被問到他對中國菜的評價時，他說：我這些日子來每天都是在麵包上搽果醬及花生醬，還沒有嘗過中國菜呢！
其實有很多美國人也是這樣的，外子便有一對夫婦朋友一家四口到泰國旅遊十天，卻沒有嘗過一次泰國菜，怕那裡的食物不清潔。
我也有朋友只吃凍肉三文治﹑沙律﹑意大利薄餅及汽水，其他所有食物都令她苦口苦面，跟她吃飯最痛苦，未吃已被她的尊容壞了胃口。
對我來說，去到別的國家不吃當地的食品是一大損失，旅遊除了欣賞景色外，食物是了解當地文化生活的一大重要因素，要是甚麼當地食物都不吃，不如看國家地理雜誌，何用親身踏足國境。
8 Comments
RSS Feed for this entry
hahahaha
看見你這篇文, 很有趣
我家外星人每次來港, 他都大吃特吃。 有時我比他更怕弄壞肚。
要是我再有機會回港，我也要像你家的外星人一樣，大吃特吃！
我也覺得很怪，唔食當地食物咁去嚟做乜？
真係好難講，他們可能需要多一點冒險精神。
我覺得去中國唔食中國菜都好正常。
班友咁處理啲食物法，都係貴啲食入口嘢安全啲。
前兩年我奶奶返鄉下三個星期，食足三個星期名店家鄉菜。
臨尾開始生飛滋，返到香港重生足成個月，
攪到冇晒胃口，成個人瘦晒(佢本來己經好瘦)。
唔好以為佢食啲煎炸刺激嘢多攪成咁。
佢根本唔受得煎炸刺激嘢，味味都係蒸炒燜燉，
同喺香港食一樣。
因為佢平時食得清淡，幾乎從來唔生飛滋，
返鄉下唔夠一個月就攪成咁。
我哋啲亂食嘢”口既”人，去大陸點敢食中國菜？
寧願難食啲食麥記好過。
其實，食嘢小心係好應該嘅，不過有時又唔使過份緊張，重視旅遊業而又熱門的旅遊地區，一般都可以找到清潔的餐廳，否則食都無餐好食，很難成為旅遊熱點，至於鄉下地方，又真係要小心一啲。本文所指的北京，又是中國首都，又在搞奧運，不品嚐一吓當地美食，實在是一損失；至於文中提及的泰國，多年以來都是中外人士的旅遊勝地，不難找到安全的食物。
中國人也有這樣的, 早前內地的朋友來港, 其中一個廿歲的女孩, 招呼他吃中菜, 日本菜, 泰國菜, 都是苦著臉的嚷著要炸菜炒蛋加白飯. 香港可沒人會做這菜
愛美，你這樣一說起，我就想起以前有一個同學也是只吃中國菜的，年輕人一般較易接受事物，所以一班同學出外吃飯時會大家會建議試不同的菜色，他總會反對。